TEJU JAGUA
Teju Jagua ndajeko siéte iñakã, jaguarete meméva, ha hete katu teju ndetuichapa jepéva. Ijape hatã, ipyko’ẽmba, ha omimbi ojogua órogui ijapopyrépe. Iñakãnguéra katu ndaje, Arca de Noéicha, oĩ pytãva, hũva, sa’yjúva, hovýva, opáichagua kolor oĩ, ha hãimbiti joa omaña ágotyo pégotyo hikuái. Ndahesa’ỹiri ndaje. Hesa reínte. Hendaguépe ojekuaa tata mymýi ogue’ỹva, ha ha’etévaicha osẽtava okápe omyendypa ojuhúva guive hapépe.
Mavave ndoikuaái mamópa oiko. Katu oje'e hese oikoha peteĩ ka'aguy iporãitereívape, aipo Jaguarón sérro gotyo, ha upépe ha'e oguardia ponoike mavave oike. Upépe ndaje ndaipóri yvyra hi’a’ỹva. Ha ijerépe oĩ peteĩ yvy kandu paje, ysyry potĩ akã ári, ha upépe Teju Jagua okaru. Upe yvy kandu pajégui ndaje opupu eirete sa’yju asýva, imba’erã voi omoĩva chupe huvicha upépe. Ha upéva ndaje Añaite voi. Ha pe eíra ndaje opupu ha'e iñembyahýi javénte. Hyguatã Teju Jagua ha oñemboty jeýma la eíra kua.
Sapy’ánte oñehendu oguahúramo, omboryryipa yvy, ombojaparo ita hamba’e, péicha ku amenáso oky gota jave hína. Ha upéi opu’ãma yvytu atã, umi hũva, oje'éva imbytépe ouha Añaite voi.
Teju Jagua rehe jeko ndaipóri yvypóra omaña va’erã. Ha oiméramo sapy’ánte ojapóva, uperire opytáma ndohechavéi. Pytũguãpema
No hay comentarios:
Publicar un comentario